تعارف
کئی دہائیوں تک، بین الاقوامی اداروں کی مدد سے بہت سے ترقی پذیر ممالک مختلف حفظان صحت پروگراموں پر عمل پیرا رہے ہیں۔ زیادہ تر پروگرامز کا مقصد صحت کی حالت میں بہتری لانا، علالت اور خاص طور پر بچوں میں اموات بوجہ قابل منتقلی امراض میں کمی لانا ہے۔ تاہم، پروگرام سے مطلوبہ نتائج حاصل نہ ہو سکے اور، بعد ازاں، ان ناکامیوں کی وجوہات واضح ہو گئی۔ اسباب درج ذیل تھے:
 معلومات لوگوں کو بطور لیکچرز مہیا کی گئی تھی یا بطور ھدایت "اوپر سے نیچے" پیش کی گئی تھی۔ تاہم، معلومات کو ذہنوں میں سمویا نہ جا سکا۔ اور یہ سائنسی لحاظ سے ثابت ہو چکا ہے کہ لوگ کچھ اسطرح یاد رکھتے ہیں :
 20 فیصد جو وہ سنتے ہیں؛
 40 فیصد جو وہ سنتے اور دیکھتے ہیں؛
 80 فیصد وہ جو وہ سنتے، دیکھتے اور کرتے ہیں۔
 خواہشات، مفادات، ذاتی تجربہ، سامعین کی آراء اور خود ہی اپنے مسائل حل کرنے کی صلاحیت کے پہلو کو مدنظر نہیں رکھا گیا تھا۔ ایسے معاملات میں لوگ نمایاں کردہ مسئلہ کو اپنے ذاتی مسئلہ کے طور پر نہیں دیکھتے ہیں اور اپنے آپ کو اسے حل کرنے کا ذمہ دار نہیں سمجھتے ہیں خواہ یہ صحت سے متعلق ہی ہو۔
 زیادہ تر لوگوں کی شراکتی کاوشوں پر غور نہیں کیا گیا۔
نتیجتاً، ماہرین کو درج ذیل مسائل کا سامنا ہوا: "ہمیں معلومات کس طرح پیش کرنی چاہیئے، ہم کس طرح سے لوگوں میں وسیع طور پر دلچسپی بیدار کر سکتے ہیں، کیسے انکی اور ان کے بچوں کے امراض کی طرف ان کی توجہ مبذول کرا سکتے ہیں، اور ہم لوگوں کو اپنی صحت سے متعلق ذمہ داریاں لینے کے لئے کیسے تحریک دے سکتے ہیں؟"